قصة واقعية انا مش عارف هتجوزك ازاي بالقرف اللي ف جسمك ده
- اميرة بدموع : انا مليش ذنب وكمان مش عايزة اتجوزك بس لولا ماما و...
- اياد بقرف : انتي مش لاقيه حد يجوزك ف مصدقتي بقي وقولتي اهوة دكتور ف الجامعه ومعاه فلوس ومش خسرانه حاجه مش كده
- أميرة بدموع : حرام عليك كفاية ظلم بقي
- اياد : هتشوفي ايام سودة معايا
• هوة انا ذنبي ايه ، ليه الناس بتاخد بالمظاهر ،ازاي بيقدرو يطلعو الكلام ده من جواهم ، نظراتهم بتقتلني ...
•
" عند إياد وعمه "
عمي لو سمحت انا دكتور ف الجامعه وليا اسمي وحضرتك عايز تجوزني بنت مشوهه ومحروقه اسف بس مش موافق
-انت عارف كويس اني معنديش ولاد وانت ابوك الله يرحمه وكلني برعايتك وبعتبرك ابني يا إياد مش عايز تلبيلي طلبي مليش حق عليك؟
-مسكت ايدة وبوستها :لا يا عمي حضرتك ف مقام والدي بس اشمعنا هيه ؟اميرة
-اميرة يتيمه ملهاش حد غيرنا واللي حصلها ده كان في بيتنا يعني ملهاش ذنب فيه
-ايوة يا عمي وانا ذنبي اي اتجوزها ؟
عمه : صدقني دي بنت كويسه اوي وهتحبها قرب منها وعالجها يا إياد حرام عليك متقساش علي البنت امها عنيها ورمت من كتر العياط علي بنتها ، مش عايز تردلها ولا جميل من اللي عملته معانا ، انت نسيت انها هيه اللي ربتك
إياد بحزن : حاضر ي عمي ..
" انا اميرة ، عندي 21 سنه ، بدرس ف كلية اداب قسم جغرافيا فرقه تالته ، بابا متوفي ومليش غير ماما وهيه شغاله عند عم اياد ف البيت طبعا هيه اللي ربته وانا رافضه حكاية الشغل دي بس بتحبهم وهما كمان بيعاملونا كويس ، من كام شهر كده دخلت المطبخ اسلم علي ماما كعادتي بعد م رجعت من الكليه ، غصب عني ميلت عشان اجيب حاجه أكلها من البوتجاز بعدين رفعت راسي واتخبطت ف طاسة الزيت ووقعت عليا و طار ف وشي واتكب علي دراعاتي وفخدي وبقيت محروقه ، طبعا محدش هيرضي يتجوز واحدة جسمها بالطريقة دي عم اياد اللي احنا قاعدين معاهم ف البيت جه وطلب ايدي ل اياد من ماما ، انا رفضت بس ماما اصرت عليا وجبرتني علي الجوازه دي "
"تاني يوم "
عديت علي بنتين معايا ف الكليه وسمعتهم بيتكلمو
سما:عارفه يبت يا هناء البت أميرة المشوهه بيقولو هتتخطب
هناء :ومين اللي رضي بيها دي وهيه مشوهه كدا
سماء :مش عارفه بس اكيد واحد والسلام يلا احنا مالنا يكش تولع
هناء :عندك حق
منكرش ان قلبي وجعني من كلامهم بس دي الحقيقة انا وشي مشوهه ونص دراعي بس انا ذنبي اي دي حاجه من عند ربنا وانا راضيه ...
دخلت الجامعه كنت عارفه إن دكتور إياد مش موافق علي الجوازة دي بس كمان مفيش حاجه هتجبرة
خلص المحاضرة ونادي عليا
- إياد بقرف :اسمعي بقاا يا اسمك اي انتي
- اميرة بإبتسامه :اميرة اسمي اميرة
-إياد :متستفزنيش
-اميرة :عفوا وانا عملت اي
-إياد :مش مهم اسمعيني
-اميرة :اتفضل
-اياد :مش عايز حد يعرف اننا هنتجوز ولا حتي تقربي مني ف الجامعه وان سمعتك حكيتي لحد مش هتعرفي اللي هيحصلك
-اميرة بعدم فهم :ليه
-إياد بيبصلها من فوق لتحت :مش شايفه نفسك ولا اي
-اميرة بدموع :اه فهمتك تمام
-إياد :تمام
أميرة : اللي حصلي دا غصب عني حاول تتعايش مع الوضع ده
إياد : وانا مش مضطر علي فكرة وانتي عارفه احنا هنتجوز ليه
أميرة : والله انا انسانه برضو ومن حقي تعاملني باحترام
إياد : ياريت محدش يعرف بعلاقتنا
• سابني ومشي وكان هوة اللي علينا ف المحاضرة التانيه دخلت اقعد ف البينچ محدش رضي يقعد جمبي حتي صحبتي اتخلت عني من بعد اللي حصلي ، الدموع اتجمعت في عيني كان هاين عليا افضل اعيط واصرخ من اللي انا فيه ، بصيت علي إياد لقيته بيبتسم ابتسامه سخريه .....! حسيت بنغزة ف قلبي كان نفسي حد يقف جنبي ومينفرش مني بس لاسف مش كل حاجه بنفكر فيها بتحصل .
• إستأذنت منه وخرجت لو قعدت اكتر من كده هتخنق وانا مش حابه ابين ضعفي لحد ، اتمشيت كتير لحد م وصلت للبحر خدت ركن علي جنب وبدأت اتنفس واعيط ، كل شوية ابص علي دراعي وايدي وانا عايزة اشيل الجروح اللي فيها ، كل جرح كان بياكلني فضلت اهرش فيه لحد م جاب دم .
• رجعت البيت بعد فترة من الوقت لقيت ماما واياد وعمي منتظريني
ماما بخوف : كنتي فين يا أميرة ..؟وإيه اللي عملك كده
اميرة : مفيش يا ماما روحت اتمشيت متقلقيش انا كويسه
عم إياد : قلقتيني عليكي يبنتي ابقي طمنينا عليكي
اميرة : حاضر ي عمو ....ماما ممكن اتكلم معاكي شوية
الام : حاضر تعالي
• إياد كان واقف مكلفش نفسه يسأل عليا ..مش مهم مش هتفرق كتير سحبت ماما من وسطيهم ودخلتها اوضتي
الام : هااا أميرة عايزة تحكيلي ايه ...؟؟
أميرة بجمود : ماما انا مش عايزة اتجوز إياد ولا غيرة ..
الام بصدمه : ليه يبنتي ايه اللي حصل.....؟؟
اميرة بدموع : محصلش ...محصلش حاجه ي ماما بس انا ...انا هتجوز ازاي باللي ف جسمي ده
الام بحنية : انتي ست البنات ي أميرة واللي ف جسمك ده ابتلاء من ربنا عشان يختبر مدي قوة صبرك ..وانتي لازم تنجحي ف الاختبار ده يبنتي
اميرة : ونعم بالله ..بس انتي شايفه ايدي ودراعي الزيت لمسها و..
الام : متفكريش بالطريقه دي إياد شاب محترم وليه هيبته وكمان عمه بيحبك اووي ، يعني هيدرسلك لما تتجوزو وهيحبك اوي
اميرة ف سرها : يحبني...هه دا اننتي متعرفيش اللي فيها
الام : اميرة ...اميرة يبنتي سرحتي ف ايه
اميرة بإنتباه : هااا ....معاكي ي ماما اهوة اللي تشوفيه صح اعمليه ..
• ماما عايزة تطمن عليا ،انا عارفه انها مصدقت حد يرضي بيا قلقانه عليا حاسه بيها ، عشان كمان إياد مجبور وهيه عارفه ان محدش هيوافق عليا غيرة وانا هعملها اللي هيه عايزاه نفسها تفرح بيا قبل م تموت بس للاسف انا اللي هتعزب مش حد تاني ....
• حددو معاد كتب الكتاب بعد شهر ومش هنعمل خطوبه ، إياد اقنع ماما ان هنكتب الكتاب بالشهود يعني مفيش لا حفله ولا فرح ولا حتي هلبس فستان .....قالها ان في صديق عزيز عليه اتوفي وهوة مش حابب يعمل اي حاجه وطبعا لان ماما طيبه صدقته ، طول الشهر ده تجنبته ،بدخل محاضراته دا طبعا بعد التنمر والتريقه عليا وهوة ولا هنا .
" بعد شهر "
المأذون بيكتب الكتاب ومحدش موجود غير ماما وإياد وعمه واتنين صاحبه ، وانا قاعدة لابسه طقم عادي ومجبورة علي جوازة زي م يكون عملت عمله كبيرة
"بارك الله لكما وجمع بينكما في خير "
إياد : اميرة
اميره ف سرها : يااااا اول مرة تقول اسمي يا اياد
اياد : اميرة انتي سمعاني
اميرة : اه طبعا معاك
اياد : طب يلا عشان نطلع اوضتنا
اميرة : حاضر
• فضلت واقفه قدام باب الاوضه قبل م ادخلها مش حاسه اني عروسه جديده ولا حاسه إن ده مكاني ياتري ايه تاني مستنيني .....!!!!!!؟
إياد : انتي هتنامي علي السرير وانا هنام علي الكنبه دي
اميرة بحزن : ماشي
إياد : لو سمحتي متقربيش مني حتي لو لقتيني بموت متلمسنيش
اميرة بدموع : للدرجادي
إياد : واكتر كمان
اميره : ماشي تمام ...
• جبت النوت بتاعتي وبدأت اكتب فيها وانا بعيط وكل دمعه تشهد علي حزن قلبي المفتت
• قومت قبل إياد للبست للبس يخفي كل اللي ف جسمي وكمان جونتي ونزلت اعمله فطار وامد ايدي ليه ونكون اصدقاء علشان هوة مشافش مني حاجه وحشه
اميره : إياد ...إياد اصحي
إياد بنوم : اممممممم
اميرة بإبتسامه : الفطار جاهز
قام من علي السرير واتعدل
إياد : ايه ده ....
اميرة : فطار
إياد : وانا طلبت منك حاجه
اميرة بإبتسامه وجع : لا مطلبتش ..بس حبيت اعملك الفطار ده ، عارف للبست جونتي وانا بعمله ومكنش فيه حاجه باينه من جسمي ، ممكن نبقي اصدقاء
مديتلو ايدي ...
إياد بقرف : ابقي صديق ليكي انتي هوة انتي مش شايفه نفسك..دا انا مقروف ابصلك حتي ...
أميرة بدموع : ممكن أسالك سؤال ....؟؟؟
هز راسة بعدم اهتمام
أميرة بدموع : هوة انا ذنبي اي ف اللي حصلي ؟
إياد.: ذنبك انك انجبرت عليكي وانا مش طايقك وبالنسبه للي حصلك ف اكيد قلبك اسود وبتكرهي الخير للكل ودا عقابك
اميرة بدموع وحزن : قلبي اسود ؟؟ ربنا يعلم باللي ف قلبي ويعلم نيتي مين انت عشان تحكم عليا ؟...مع انك دكتور ف الجامعه بس تفكيرك متخلف ورجعي
إياد بعصبيه : اخرسي مش عايز اسمع صوتك غوري من وشي
• دخلت الحمام وقعدت علي الارض اعيط
• اميرة بعياط : يارب انا راضيه بقضائك اكيد ليك حكمه من اللي حصلي وبيحصلي بس صبري نفذ ، ليه اعيش وسط مجتمع مريض كده بيفكر بالطريقه دي .يارب ...يااااااارب ....
• فتحت الدش عليا وفضلت تحت الميه ييجي ساعتين سمعت الباب بيخبط مقدرتش ارد لقيت الباب اتكسر وطلع إياد شالني حطني علي السرير ونادا ماما وعمه وطلبولي الدكتور قعدت ييجي بتاع يومين وكل شوية يغمي عليا لأني دخلت ف دور برد شديد
• لسه بفتح عيني شوفته واقف قدامي
إياد بسخرية : حمدالله على سلامتك
اميرة : الله يسلمك
إياد : مموتيش ليه
اميرة بصدمه : ياااااه ....للدرجادي بتكرهني
إياد : مش بكرهك ولا بحبك بس مش طايق وجودك ف حياتي
اميرة : تمام وانا لقيت فكرة تخليك متشوفنيش ولا تتعامل معايا
إياد : إيه هيه.......!؟
أميرة ........
...............
إياد : إيه هيه...!!؟
اميرة : هلبس نقاب ...يعني طول م انا ف بيتك ده مش هتشوفني ولا حتي ف الجامعه هريحك مني خالص
إياد بفرحه : حلو اووي ....!!
اميرة : بس في مقابل
إياد : نعمممممم ..!!!؟
أميرة بدموع : المقابل هوة متحاولش تفكرني بوجعي لاني مش ناسياه وكفاية لحد كده إهانه
إياد : تمام ..
• مش عارفه انا كدا خدت القرار الصح ولا لا ؟ بس مكنش قدامي حل تاني انا تعبت وهوة بني ادم معندوش قلب معقول مصعبتش عليه ؟ ميعرفش ان الكلمه اللي بتطلع منه بتقتلني انا مش هسامحك ابدا يا إياد ....ابدا
• نزلت اشتريت نقاب وكل ما يخصه عشان مفيش حاجه تبان مني استنيت إياد يمشي علشان البسه واروح الجامعه ...وفعلا عملت كدا مكنش فيه حاجه باينه مني غير عيني ..طلعت من غير م حد يشوفني عشان مش هخلص من اسئلتهم هبقي افهمهم بعدين..
" ف الجامعه "
• كان باقي علي المحاضرة حوالي ربع ساعه نظراتهم ليا حسيت انهم عرفوني اتمني لا ....
لقيت واحده فيهم جاية عليا
البنت : هو انتي جديدة هنا ولا ايه اصل اول مرة اشوفك
أميرة بإرتباك : اااا..اه
البنت : اه ...طيب
• دخلنا المحاضرة والحمد لله علي م اظن محدش عرفني ولا حتي إياد واليوم عدا علي خير ..
• رجعت البيت وماما اول م شافتني واتخضت
الام بقلق : مالك ي اميرة اي يبنتي اللي لبساه ده
أميرة : مفيش ي ماما قررت البسه لحد م اخف بالعلاج
الام : يبنتي اللي بتقوليه ده مش مبرر وإياد رأيه ايه ؟
اميرة : مكنش موافق انا اللي اصريت عليه
الام : متأكده يينتي من اللي بتعمليه ده ...!؟
اميرة : ايوة ي ماما عن اذنك هروح ارتاح
الام : ماشي يبنتي بس كنت عايزة اقولك علي حاجه
اميرة : طبعا ي ماما اتفضلي
الام : انا هروح ازور اخوالك ف البلد مشوفتهمش من زمان
أميرة : هتأخري هناك ...؟
الام : لا ي حبيبتي هما يومين بالكتير
اميرة : ماشيه النهاردة ؟
الام : ايوة همشي علي بالليل انا هسيبك هنا وانا مطمنه عليكي عشان عارفه ان إياد بيحبك ، حافظي عليه وخلي بالك منه ، دا هوة سندك بعد ربنا يبنتي
ابتسمت إبتسامه سخرية ورديت عليها : حاضر ي ماما
• انا حرفيا مليش حد ، صحيح ماما موجودة بس مش حاسه بوجعي ، وإياد موجود بس بيطعن فيا بسكاكين ، مليش صديقه احكيلها همي كلهم بيبعدو عني ...بس انا مش هسمح للألم يتمكن مني انا لازم اتغلب عليه
•
• عدي يوم و التاني واحنا تعاملنا عادي لا هوة بيشوفني ولا انا بشوفه غير ف المحاضرات ...والنهاردة هوة مجاش اتأخر قررت اقلع النقاب وادور ف الاوضه بلبس خفيف عشان الجروج اللي ف جسمي ..بس فجأة دخل الاوضه وباين عليه تعبان
أميرة بإرتباك : انا أسفه جدا بس كنت ..كنت
إياد : عادي ولا يهمك
• غريب اووي النهاردة ماله كدا مسكت النقاب للبسته حتي الجوانتي ونمت وانا بعيط علي الوضع اللي اتحطيت فيه
صحيت ملقتوش ف الاوضه اتنهدت بحزن ودخلت الحمام خدت شاور وللبست وروحت الجامعه
كنت قاعدة علي جمب بس فيه شوية بنات مراقبيني حاسه انهم عرفوني
بنت ١ : انتي ي حلوة معانا هنا ..؟
أميرة : ايوة فيه حاجه
بنت ٢: ايوة فيه ارفعي البتاع ده وورينا وشك عشان شكلك مش غريب علينا
أميرة : لا طبعا اي اللي بتقوليه ده ....؟؟
بنت ٣ : ارفعيه احسنلك اكيد انتي البنت اميرة المشوهه.....!!!؟
اميرة بدموع : ايوة هيه عايزين ايه بقي ....؟!
• فضلو يلقحو عليا بالكلام وواحده شدت مني النقاب وقلعوني الجوانتي والخمار اتبهدلت اووي طلعت اجري وانا بعيط شوفته داخل بصيتله بدموع ومشيت نده عليا بس مردتش عليه ....دخلت البيت من غير م حد يلمحني قفلت علي نفسي الاوضه بهدوء وطفيت النور وقعدت جمب السرير وضميت نفسي وانا ميته من الخوف وبكتم شهقاتي ....
" ف الجامعه "
• كنت داخل أدي للطلبه المحاضرة لمحتها طالعه من المدرج بتجري وبتغطي ف ايديها ووشها اللي مليانين دم قلبي وجعني لما شوفتها بالمنظر ده ...
إياد : إيه اللي حصل هنا ..!!!؟
• الطلبه : .....
خبطت ب ايدي علي المكتب : بقوووول ايييه اللي حصل هنا
• ولد قام رد عليا : أميرة زميلتنا اللي معانا ف القسم ي دكتور ...
إياد بغضب : كمل
• الولد : كذا بنت من هنا اتلمو عليها وبهدلوها اووي
إياد بعصبيه : يطلعو حالا وإلا قسما بربي الدفعه كلها هتتحاسب
الطلبه: .....لا رد
إياد : تمام حلو اوي كده
طالب : لا ي دكتور انا عارفهم وهقول لحضرتك عليهم
• وفعلا طلعلي حوالي اربع خمس بنات كده
إياد : اطلعو براااا واستنوني ف مكتب العميد المحاضرة النهارده ملغيه
• اتحولو للعميد وكل واحده خدت اسبوعين رفد مع عدم دخلولهم الكليه لاي سبب طاريء دا غير اعتزار بليغ لاميرة قدام دفعتها كلها ...ركبت عربيتي بسرعه عشان اشوفها خايف لتعمل ف نفسها حاجة جريت فتحت الباب النور كان مطفي شغلته ولقيتها قاعدة جمب السرير بتكتم شهقاتها وجسمها اللي عماله تقطع فيه قربت منها
إياد بحزن : أميرة تعالي معايا
أميرة بخوف وعياط : لا ابعد عنييي ...مش عايزة حد.يلمسني بقلمي اميرة محمد
قربت منها ومسكت ايدها نفضتها وقامت وقفت : لا ..لا ...انا ..انا مش عايزة اعرفكم سبوني ف حالي
قعدت تاني وضمت نفسها وبدأت تتكلم بعياط : :بص يا إياد بص ايدي محروقه ازاي شكلي وحش صح ، استني اوريك رجلي شايف الحرق اللي فيها شكلها بقي يخوف بس ...بس والله انا مخترتش اكون كده ، انا حلوة من جوة ، انت ليه بتشوفني زيهم ؟، كلهم بعدو عني انا ..انا بغطي جسمي وبلبس نضارة عشان ..عشان بيعايروني ...للبست نقاب وبرضو بهدلوني هما عايزين مني ..ااااااه والله غصب عني بين يوم ولليله حياتي اتقلبت وبقيت منبوذة من الكل ومفيش حد متقبلني ي باااااااااباااااااا وحشتني اووي شوف بنتك حصل فيها إييييه ......
إياد بدموع علي حالها : أميرة كفاية كدا هتتعبي انتي ....
أميرة بصراخ : انت كمان بكرهك ...انت زيهم بتنفر مني اتجوزتني وبتذلني زي م يكون عملت مصيبه ...كان نفسي افرح زي البنات والبس فستان ويبقي ليا صحاب يقفو جمبي يوم فرحي ...بس لا جبت مأذون وكتبت عليا ومن ساعتها وانا عايشه ف سجن ...تاني يوم عملتلك فطار وعرضت عليك نكون صحاب بس ....بس ..اا.. ااانت اتقرفت مني ..وو...وهنتني
إياد : انا اسف حقك عليا قومي معايا طيب وهعملك اللي انتي عايزاه
أميرة بوجع وعياط : ابعدددددددددد.....عنييببيي انت ايه مبتفهمش مش عايزة حد جمبي انت ....
• اغمي عليها حاولت افوقها مفاقتش
اياد بخوف : أميرة ....اميرة ردي عليا
شيلتها وجريت بيها علي المستشفي قابلت الدكتور ودخلتها اوضة الكشف وقعدت برة مستنيها بعد شوية خرج الدكتور بقلمي اميرة محمد
الدكتور : حضرتك جوزها ....؟!
إياد بقلق : ايوةة ي دكتور طمني عليها
الدكتور بأسف : عندها إنهيار عصبي للدرجة انها مقطعه جسمها بسبب التشوه اللي فيه ...
إياد بحزن : طب...طب هيه هتفضل كدا كتير
الدكتور : هيه محتاجه رعاية وابعدوها عن الضغوطات عن اذنك
إياد : تمام ي دكتور
• دخلت عندها نايمه زي الملاك بس علامات الخوف ظاهرة علي وشها ، انا ازاي مخدتش بالي من ملامحها الجميله ؟؟! ازاي قدرت اقسي عليها وهيه بالطريقه دي ، مش عارف ي أميرة اتحملتي كل ده ليه وازي ...ي تري هتقدري تسامحيني ...!!!!!!!!!؟
• بدأت افوق وببص حواليا شوفته قاعد جمبي عيطت تاني
أميرة بعياط : انا هنا ليه ..؟ ابعد عني مش عايزة اشوفك
إياد : .....
............... ...
• بدأت افوق وببص حواليا شوفته قاعد جمبي عيطت تاني
أميرة بعياط : انا هنا ليه ..؟ ابعد عني مش عايزة اشوفك
إياد: اميرة ممكن تهدي وتسمعيني
أميرة : ي أخي انت معندكش ذرة رحمه؟ قلبك حجر ؟
إياد بحدة : لولا الوضع اللي انتي فيه كنت علمتك ازاي تردي بأدب بقلمي اميرة محمد
أميرة بجمود : اتفضل اطلع برة
إياد : .....؟؟؟؟؟؟
أميرة : براااا ....من هنا ورايح علاقتي بيك هي طالبه ودكتورها يعني ف حدود الجامعه وبس
إياد.: تمام
• جاي عايز ايه تاني انا تعبت مبقتش مستحمله طاقتي خلصت لحد كده وكفاية مستحيل ابقي ضعيفه تاني
• خرجت من المستشفي وروحت البيت وطلعت اوضتي شوفته قاعد علي الاب توب اتعمدت ادخل الحمام واللبس تيشرت مبين نص بطني وشورت صغير كده وفردت شعري كنت مكسوفه اوي بس لازم يعرف إني ليا حق زيي زيه ف البيت ده
طلعت قعدت علي السرير ومسكت تليفوني وهوة خد باله فضل متنح فيا شوية بعدين فاق.....
أياد بإرتباك : أااا..اميرة ممكن نتكلم
أميرة ببرود : نعم
جه قعد جمبي وقرب مني
إياد : انا اسف ...!!!
أميرة : علي أيه ..؟
إياد : علي معاملتي ليكي الفترة الاخيرة دي
أميرة بسخريه : هه طب والله فيك الخير بقي الدكتور إياد بنفسه بيعتزر
بصتله بكرة وبعدين كملت : بس انا مش قابله اعتزارك
إياد : خليكي فاكرة إن انا اللي بدأت وجيت اعتزر منك
أميرة بحزن : عارف مشكلتك أيه ....؟!
إياد : ......؟؟؟
أميرة : انا هقولك ...مشكلتك انك شايف نفسك ، بني أدم مغرور ، ازاي الدكتور إياد يتجوز واحده مشوهه دا كدا يبقي اتجنن رسمي مش كده ؟ شايف كل الناس جمبك ولا حاجه ...عمري م هسامحك وهتشوف اميرة تاني بس المرادي مش هتعجبك بجد ...
انت جاي تعتزر عشان بس منظرك قدامي وقدام ماما وعمك بس انت متستاهلنيش انا استاهل حد يقدرني ويشيلني فوق راسه ويعتبرني ملكه مش عبده عنده
إياد : هوة دة رأيك فيا بس عندك حق كل حاجه ظهرت مني اثبتت كده ...نامي علي السرير النهاردة عشان انتي تعبانه ....عن اذنك .
• مفرقش معايا كل الكلام اللي قالته قد م فرق معايا كلمة انت متستاهلنيش ، وجعتني اوي ، انا وهيه زمان كانت علاقتنا كويسه قبل ميحصلها اللي حصل ده ، بعدها اتغيرت وبقت انطوائيه اكتر ، انا والله عمري م نفرت منها ابدا ، بعمل معاها كده بسبب جوازنا اللي جه فجأة بس فكل مرة بأذيها قلبي هوة اللي بيوجعني ...اي السبب
• رجعت الاوضه لقيتها نايمه وأثار دموعها علي خدها لسه هلف وشي شوفت النوت بتاعتها للفتت نظري مكنتش حابب أفتحها بس فضولي خلاني عايز اعرف مكتوب فيها ايه مسكتها واتفتحت علي أخر حاجه مكتوبه :
النهاردة عرضت علي إياد اللبس النقاب اول م قولتله فرح اوي زي م يكون م صدق ، يااااة للدرجادي مش طايق وجودي ولا عايز يشوفني ، نظرة الناس كلها ليا حاجه وإياد حاجه تانيه خالص ، لأن ...لأن هوة عزيز عليا اووي وبحترمه جدا زمان كنا صحاب اووي كان بيعتبرني مميزة عمرة ف يوم م زعلني ولا هانيي بس دلوقتي كل الحاجات دي بقت سهله عنده عشان كده منعت نفسي احبه ...عشان مش من حقي هوة يستاهل بنت سليمه تحبه ويحبها انما انا مليش لا حب ولا جواز ...طيب مينفعش يكون صديقي وانا والله مش هزعله مني ابدا ..فكل مرة كان حد بيأذيني بالكلام اول شخص كان بييجي علي بالي هوة ببقا عايزة اجري عليه احضنه واقوله انت مأمني من الدنيا دي بس للاسف إياد مجرد حلم بالنسبالي وعمره م هيتحقق
• خلصت قراية وعيني اتملت دموع مقدرتش اكمل قفلت النوت وحطيتها مكانها ونمت جمبها وشديتها لحضني من غير م تحس بيا ودفنت وشي ف رقبتها وشعرها ونمت ..
• صحيت الصبح حسيت فيه حاجه تقيله علي جسمي فتحت عينه طلع إياد ...إياد ؟؟؟؟
دا نايم جمبي وحاضني انا متوترة كده ليه ...؟؟؟؟؟؟
أميرة: انت ي أخ انت ...
إياد بنعاس : سبيني انام بقي
أميرة : قوم اتخمد بعيد عني
شدني ليه وفتح عينيه : لا انا مرتاح كده
أميرة بكسوف : إياد لو سمحت ابعد عني
إياد : حاضر
جريت بسرعه علي الحمام وانا ببتسم زي الهبله خرجت لقيته قاعد وباصصلي
أميرة : في حاجه....؟؟
حط ايده علي شعرة
إياد ببراءة : أميرة بصراحه انا جعان
أميرة ببرود : طب م تروح تاكل
إياد : ممكن تعمليلي أكل
أميرة : انا ....؟
إياد : اه ..انتي
أميرة بحزن : فاكر تاني يوم جوازنا لما عملتلك فطار قولتلي إيه ....قولت انك مقروف مني وكسرت بخاطري ساعتها يااااااه مش قادرة اوصفلك شعوري ف الوقت ده كان عامل ازاي ؟
إياد بندم : انا أسف عشان خاطري اديني فرصه تانيه
أميرة : في حاجات ي إياد مينفعش فيها فرصه تانيه
• مش قادرة اصدق انه ندمان ،شايفه ف عينيه نظرة شفقه بحاول اتجنبها من كل الناس حتي ماما.......
قعدت يومين مروحش الكليه لازم اواجه نفسي قبل م اواجهم ، منا لما اسيبب ده وده ودي يتنمرو عليا واسكت يبقي ليهم الحق بس من هنا ورايح مفيش تنمر تاني ولا حتي اميره المشوهة...
________________________________________
" بالليل "
إياد : هتفضلي كتير متروحيش الجامعه
أميرة : ودا يخصك ف ايه ؟؟
إياد : اميرة اتكلمي عدل
اميرة : عايز ايه ي إياد ؟
إياد : تسامحيني
أميرة : ليه
اياد : حابب نبداء من جديد والله العظيم ندمان
اميرة بدموع : بص عليا كويس انت شايفني
إياد بحب : ومش شايف غيرك
أميرة بدموع : انت كداب بتعمل معايا كده ليه انا بكرهك
إياد جه يحضني : شششش اهدي انا اسف
زقيته بعيد : اياك تتجرء تلمسني تاني
إياد : طيب خلاص مش هلمسك
أميرة : انا مش هنام ف الاوضه دي بتخنقني
إياد وهوة خارج : لا ي اميرة انا هسيبهالك تنامي فيها
* اول م خرج اتفتحت ف العياط يمكن بحبه او. مش عارفه ، بعد كل اللي عمله معايا قلبي المغفل مسامحه بس بكابر عشان اذاني كتير
_________________________
جهزت نفسي عشان انزل الجامعه وكانه اول يوم ليا وملبستش النقاب مبقتش محتجاه إيإد دخل وانا دخلت وراه كنت متعمده اعمل اللي هعمله ف محاضرته هوة بالذات مش عشان جوزي لا عشان اثبتله اني مش ضعيفه
أميرة : دكتور إياد ممكن الميك....؟
بصلي واستغرب والحقيقه مش هوة بس دا الكل
إياد : اتفضلي
اخدت منه الميك وانا بفرك ف ايدي بس اتشجعت وبدات اتكلم
أميرة بتوتر : احم ....طبعا كلكم تعرفوني اميرة المشوهه دا للقبي بينكم مش كده ؟ اعرفكو بيا من جديد
انا أميرة زميلتكم هنا معاكم ف الفرقه التالته معظمكم كان صحابي لا اخواتي مش صحابي من كام شهر كده حصلتلي الحادثه دي مع انها بسيطه وبتعالج منها إلا انكم ف ثواني نسيتو اننا زمايل ودفعه واحده قبل كل حاجه واطلقتو عليا لقب" أميرة المشوهه" جرحتوني كتير بنظراتكم وبكلامك كل ده كان بيقتلني أقرب ناس ليا اتخلت عني وقت م كنت محتاجالهم ، اللي فيا ده انتو معرضين ليه ف اي وقت ، لما تتنمر علي غيرك كدا تبقي فاكر ان عندك شخصيه لا خالص دي اسمها قلة ذوق ونقص تربيه ، فياريت لو عندكم كلمة حلوة قولها معندكمش يبقي تتكتمو لان من هنا ورايح اللي هيقولي كلمة هقوله عشرة ومش هسكت لحد تاني خلينا لطاف مع بعضينا عشان نعدي السنه دي علي خير .. علي فكرة انا مش قصدي اجرحكم زي م عملتوا معايا لا خالص المقصد من كلامي ان ....مش معني اني بسكت ابقي ضعيفه فالرد علي السفهاء يعتبر غلط ف حقي نفسي وانا مقبلش علي نفسي الغلط ...
• • فرغت كل اللي ف قلبي حسيت اني اراحت وحمل كبير انشال من علي قلبي ، كنت خارجه لقيت ولد زميلي بينده عليا
الولد : أنسه أميرة ممكن أخد من وقتك دقيقه
أميرة : اتفضل
الولد : شكرا ليكي ....كنت حابب اعتزرلك بالنيابه عن صحابي هما متهورين شوية ويشهد عليا ربنا عمري م قولت ف حقك كلمه وحشه
أميرة بإبتسامه : لا عادي حصل غير اتمني بس يفهموا ان في ناس ممكن تنتحر بسبب كلمه منهم يلا عن اذنك
الولد بابتسامة: اتفضلي
• لسه خارج وراها شوفتها واقفه مع ولد عندي ف القسم يعني زميلها اتعصبت واتضايقت هيه ازاي تقف معاه كده ؟
إياد : استني عندك.........
.........................
• لسه خارج وراها شوفتها واقفه مع ولد عندي ف القسم يعني زميلها اتعصبت واتضايقت هيه ازاي تقف معاه كده ؟
إياد : استني عندك
أميرة ببرود : في حاجه ي دكتور ؟
إياد بعصبيه : ازاي تقفي معاه كده ي هانم
أميرة : والله دا شيء ميخصكش
إياد بغضب : شكلك اتجننتي ف عقلك نسيتي إني جوزك ولا إيه ؟
أميرة بحده : جوزي ف البيت مش هنا ...فاكر كلامك لما قولتلي مش عايز حد يعرف بعلاقتنا ودا معناه انك بتستعر مني مش كده
إياد بيجز علي اسنانه : أميرة الزمي حدودك
أميرة ببرود : حدودي انا عارفاها كويس ...عن اذنك
• طريقة كلامي كانت بارده معاه مش كده ؟ بس هوة اللي استفزني ، معقول بيعمل كل ده عشان غيران ً..لا لا لا ايه اللي بقوله ده هيغير عليا انا وهغير ليه هوة بيحبني اصلا ههه تخيلاتي كترت اليومين دول
• كنت هموت وانام وعايزة اوصل البيت بسرعه اول م دخلت لقيت عمي قاعد ونادا عليا
أميرة : اذيك ي عمي اخبارك إيه طمني عليك؟
العم : الحمد لله يبنتي انتي عامله ايه
اميرة : والله الحمد لله ف نعمه
العم : كل حاجة تمام بينك أنتي وإياد ؟
أميرة بتوتر : اه ..اه كل حاجة بخير
العم بإبتسامه : طيب يبنتي روحي ارتاحي اكيد راجعه تعبانه
أميرة : جدا والله ي عمي عن اذن حضرتك
• طلعت اوضتي ارتاح شوية بذلت مجهود وطاقه كبيرة النهارده وبعد م اصحي اكلم ماما واطمن عليها
" عند إياد "
• حاسس اني حبيتها ، عايزاها طول الوقت جمبي ، مخنوق ومتضايق عشان بتشوفني بالطريقه دي بس ليها حق هيه مشافتش مني اي حاجة حلوة ، وبعدين انا لازم اعرف الولد ده كان بيكلمها ليه ..
• • قبل م ادخل الاوضه سمعتها بتتكلم مع مامتها
أميرة : ايوة ي ماما ، انا الحمد بخير ي حبيبتي ، هتقعدي يومين تاني عشان خالي تعبان ، الف سلامه عليه ابقي طمنيني ،إياد ......؟؟؟اياد كويس وبخير ، لا انا مبسوطه اووي معاه ، يستي متقلقيش،، هوة بيحبني وانا بحبه وعمرة م زعلني هههههه حاضر مش هزعله يلا سلام
بعد م قفلت مع مامتها بدأت تعيط
أميرة بعياط : اااااه ي مامااا اقولك ايه ولا ايه بنتك ف امس الحاجه ليكي بس مش قادرة تقولك ، قلبي واخد علي خاطرة من الدنيا كلها ، انا ضعيفه اوي ومش لاقيه اللي يقويني حتي إياد اتخلي عني و...
إياد بإبتسامه : بس إياد عمرة م هيتخلي عن أميرته
أميرة ببراءة : انت هنا من ايمته
إياد غمزلها : من وقت بيحبني وبحبه
أميرة بتوتر : لا ...لا مفيش الكلام ده انا قولت كده عشان ماما
إياد بهمس : كنت اتمني يبقي حقيقه وبجد
أميرة : إياد انت بتقول ايه
أياد : هااا ...لا مبقولش حاجه
أميرة : طيب
إياد بهدوء : دلوقتي احنا ف بيتنا وكمان ف اوضتنا ممكن اعرف مين اللي كنتي واقفه معاه ده ؟
أميرة : دا زميلي ف القسم
إياد بغضب : من إيمته وانتي ليكي زمايل ف القسم
أميرة : انت عايز تتخانق لو عايز تتخانق خليها بكرة عشان نعسانه وعاوزة انام
ولسه همشي مسكني من دراعي
إياد بعصبيه : خدي هنا رايحه فين انا مش بكلمك
أميرة بدموع : اااه ...إياد انت بتوجعني
ساب دراعي : انا اسف يا حبيبتي اسف جدا
أميرة لنفسها : هوة ...هوة قال يحببتي ؟؟؟؟ انا حبيبته لا يا أميرة لا دا قالها بتلقائيه
إياد بقلق : أميرة سرحتي ف ايه انتي كويسه
أميرة بدموع : انا عايزة انام
إياد بقلق : طب انتي كويسه في حاجه بتوجعك
أميرة : لا مفيش حاجه
إياد : انا من بكرة هروح معاكي للدكتور
أميرة : ليه
إياد بحب : حابب اكون معاكي
أميرة ببرود : بس انا هروح لوحدي مش محتاجه حد معايا
قرب عليا : هوة انا حد
أميرة بتوتر : اااا....اه
قرب اكتر : بجد
أميرة بتوتر : ط..طب ..اابعد
إياد بتوهان : لا
وميل عليها باسها ...فاقت لنفسها وزقته بعيد
أميرة بدموع : ايه اللي انت عملته ده ...حرام عليك انت عايز مني ايه ، قربك ده بيقتلتي زي نظراتك ، ابعد عني سيبني اعيش حياتي بشوية راحة
إياد بهدوء : صدقيني انا اتغيرت ي اميرة وبقيت اياد تاني خالص انتي غيرتيني وغيرتي فكرتي ....أميرة انا ...
أميرة بدموع : انت كداب وهتفضل طول عمرك كده قلبي ده اللي بيحنلك هدوس عليه ، قلبي ده اللي عايز يسامحك هكسرة ، اعتبرني مش موجوده واللي حصل ده ميتكررش تاني حتي لو كنت مراتك دا ميدكش الاذن تقرب مني بدون إرادتي
إياد : للدرجادي انا وحش ف نظرك ومش طايقه قربي جمبك؟
أميرة :.......
إياد بهدوء عكس اللي جواه : تمام انا هبعد عنك خالص ومش هقربلك بس دايما هكون حواليكي زي طيفك وقت م تحتاجيني هتلاقيني
• مشي وقفل الباب وراه وخد معاه قلبي بس للاسف خده وهوة مكسور ، قعدت علي الارض اعيط
أميرة بعياط : إياد انا ..انا مكنتش اقصد ، انا عايزاك جمبي تدعمني وقت م الكل اتخلي عني حتي انت بقيت زيهم لما طلبت منك تمشي ليه مشيت بالسهوله دي ؟
(اوقات كتير بنطلب من اعز الناس لينا انهم يمشو بس من ورا قلبنا بس ف الحقيقه احنا بنبقا عايزين نشوف هل الشخص اللي ميزناه ده هيبقي زيهم ولا هيفضل جمبنا حتي لو مطلبناش ، عشان كده اتمسكو باللي بيحبكم متعملوش زي اميرة بتكابر مهما اياد يحاول معاها بس هييجي يوم واياد طاقته تخلص وهيمشي بجد ، )
• عدا شهر واتنين وإياد بيتجنبني ورافض حتي الكلام معايا ، ماما رجعت من البلد ولاحظت ان علاقتنا متوترة ودا شيء مزعلها ، حتي عمي كل شوية يكلمه يقوله حاجه بيني وبين مراتي محدش يتدخل
• النهاردة اول يوم ليا هتابع جلسات لعلاج الحرق اللي ف جسمي ووشي وهطلب منه ييجي معايا
أميرة : إياد ...
إياد : نعم
أميرة : هوة ..ممكن يعني
إياد : قولي ي أميرة عايزه ايه
أميرة : ممكن تيجي معايا عند الدكتور
• منكرش اني فرحت وقلبي بيرقص لما قالتلي كده انا مبسوط انها خدت الخطوه دي بس وانا معاها حاولت ارسم علي وشي الامبلاه
أميرة بزعل : يعني سكت
إياد : هتروحي الساعه كام
أميرة بفرحه: دلوقتي
إياد : طب يلا اجهزي وانا مستنيكي تحت
أميرة بفرحه : حاضر
• الحقيقة انا مبسوطه عشان اياد وافق ييجي معايا بس خايفه من كلام الدكتور واللي هيقوله ، خايفه افضل كده طول عمري وإياد ساعتها يسيبني للأبد .....
• روحنا للدكتور واتكلمنا معاه وقال ان الجروح اللي فيا ممكن تاخد سنه او سنتين علي حسب مسكت ايد اياد من كتر الخوف وقولت بصوت مهزوز انا مش هتعالج وجريت نزلت تحت ف الطريق وإياد لحقني ووقفني ومسك وشي بين ايديه
إياد بحب : دا نصيبك ي أميرة وابتلاء من ربنا علشان يشوف مدي قدرتك علي التحمل ايه يعني فترة العلاج تاخد وقت كبير ، انتي شايفه الجروح عامله ازاي لازم نصبر عليها وانا جمبك ومش هتخلي عنك صدقيني
بعدت ايده عني : بس انا مش هتعالج وانت عمرك م هتستحملني ازاي هتيجي علي نفسك وتشوفني بالمنظر دا كل يوم
إياد بعصبية : ايه اللي بتقوليه ده هتفضلي لحد ايمته تشوفيني بالنظرة دي
أميرة : انت بتعمل كل ده ليه
إياد بعصبية وصراخ :عشان بحبك افهمي بقي بحبك بس انتي جبانه ، ومهما تباني قوية انتي ضعيفه بتهتمي بنظرة الناس ليكي وبتستني شفقتهم ، عايزة تكوني الضحيه ليه ي أميرة لييييه ...
أميرة بدموع : ايوة انا كده سيبني بقي ي أخي
وزقيته ووقع العربيه خبتطه ، الناس كلها جريت عليه وهوة مرمي علي الارض سايح ف دمه ، وانا واقفه بستوعب اللي عملته لحد م بنت جات وهزتني جريت عليه وانا بصرخ فيه عشان يقوم بس مقامش ،
أميرة بصراخ : إيااااااااااد ....فوق عشان خاطري انا اسفه انا كمان بحبك والله بحبك ايااااااااااااد ...
• مفيش دقايق والاسعاف جات أخدته علي المستشفي ودخلوة اووضه العمليات وانا قاعدة مستنيه وخوفي عليه هيقتلني ، اتصلت علي عمي وماما ييجو بسرعه واول م جو اترميت ف حضن ماما
أميرة بعياط : إياد ي ماما إياد هيروح مني وانا السبب
الام بدموع : اهدي يبنتي ان شاء خير مش هيحصله حاجه يارب جيب العواقب سليمه
العم بقلق : اهدي يبنتي وفهمينا اللي حصل
أميرة بشهقات : هوة ....هوة ...انا ك..ك..كنت و...
معرفتش اتكلم حسيت قلبي هيقف واغمي عليا سمعت صرخة امي وحسيت بعمي وهوة بيحركني وبينده بأسمي
فضلو يفوقو فيا فين وفين بعد ساعتين علي م رجعت لحالتي الطبيعيه بس مش قادره ابطل عياط...شوية والدكتور خرج
أميرة بدموع : طمني ي دكتور اياد عامل ايه هوة بخير صح
الدكتور : الحمد لله بخير وعدا مرحلة الخطر كمان شوية هننقله اوضة تانيه
أميرة برجاء : طب ممكن اشوفه
الدكتور : اسف مش هينفع عن اذنكم
• نقلوة غرفة تانية وقالو لو عايزين نزورة ممكن ندخل عادي ماما وعمي طلبوا مني ادخل انا الاول اطمن عليه فدخلت ...
• " عند إياد "
• فتحت عيني وانا بفتكر اللي حصل لمحت حد داخل الاوضه عليا وكانت اميرة قررت اغمض عيني كأني لسه مفوقتش عايز اشوف رد فعلها ....
أميرة بدموع : اذيك يا اياد ، وحشتني اوي ، يلا فوق عشان ترخم عليا ، عارف انا سامحتك من زمان بس كنت بعمل كده عشان متضايقه منك ، انت عندك حق انا ضعيفه وجبانه ويمكن كمان مستاهلكش بس ...بس والله انا بحبك مش عارفه ازاي وايمته بس بحبك طول الوقت كنت بتجرحني بكلامك بس معرفتش اكرهك
صوت شهقاتي وعياطي بقي عالي ومش قادرة أخد نفسي ....قووم بقي ..انا ..انا السبب انت هنا بسببي ز...زقيتك و..ووقعت علي الارض انا اسفه ااااااه قلبي واجعني ومش هسامح نفسي لو حصلك حاجه ي اياد
إياد : شششش دموعك غالية عليا ي أميرتي
أميرة بفرحه : انت ..انت كويس اندهلك الدكتور طمني عليك.
أياد بإبتسامه : انا كويس متقلقيش
أميرة بدموع : انا اسفه كل ده حصلك بسببي لو جرالك حاجه عمري م كنت هسامح نفسي
إياد : خوفتي عليا ؟
مسكت ايده : خوفت عليك بس دا انا كنت هموت لما شوفتك قدامي بتنزف ، روحي اتسحبت مني
إياد: بعد الشر عليكي
أميرة بدموع : انا اسفه من يوم اتجوزتني وانت بتعاني
حط كف ايدة علي خدي : متعتزريش تاني انا بحبك ي أميرة والله بحبك وصدقيني مبسوط معاكي وعمري م هتخل عنك.
أميرة بحب : انا كمان بحبك ي اياد
إياد بفرحه : اخيرا ي أميرتي
أميرة : انا هتعالج وان شاء الله هخف ومش ههتم بنظرة حد ليا طول م انت جمبي وبتدعمني
إياد : دايما جمبك ومش هسيبك ابدا وهنعمل فرح والناس كلها تعرف انك مراتي
أميرة بفرحه : بجد يا إياد هتعملي فرح وهلبس فستان زي باقي البنات
اياد : ايوة ي أميرتي
اميرة : انا بحبك
اياد بإبتسامه : وانا كمان بموت فيكي
• إياد خرج من المستشفي وبقي احسن ، وانا بدأت ف العلاج والحمد لله مع الوقت بخف ، بعدها بتلات شهور عملنا فرح والحقيقه كان احسن يوم ف حياتي ، إياد اتمسك بيا اكتر من الاول وده اثبتلي انو بيحبني وطول الوقت بيشجعني وواقف ف ضهري عمري م اتخيلت اني اتحب بالطريقه دي ، عوض ربنا احلي حاجه ممكن تحصل للإنسان متيأسوش 
" أنتِ جميلة بالشكل اللي يعجز الناس العادية عن وصفه
تمت.....