قصة أحببت زوجة أخي انت اتجننت ازاى عايز تتجوز مرات اخوك
قصة أحببت زوجة أخي انت اتجننت ازاى عايز تتجوز مرات اخوك لؤى:مااسمهاش مرات اخويا اسمها سميره هاله:لاحول ولاقوة الا بالله انت مش اتجننت انت خلاص مابقاش فيك عقل خالص لؤي: وأنا موافق انى اتجننت بس عمرى ماهبعدها عنى تانى لو مهما حصل هاله : دى مرات اخوك لؤي: لا ياماما مش مراته احمد طلقها هاله: هو طلقها بس قلبها معاه لؤى: معايا هتنساه وهتنسي أن هى اتجوزته نسيت اعرفكم بأبطالنا لؤى ٢٨ سنه دكتور في الجامعة هسيبكم مع الوقت تعرفوا ان هو جميل ولا لا سميره٢٤ سنه زي القمر اللى فى الصورة دى مش هنطول نكمل قصتنا لؤي مسافر امريكا من ١٠ سنين كان بيحب سميره لدرجة جنان بس هى كانت بتحب احمد اخوه لما سميره اتجوزت احمد قرر لؤى أن هو مش هيرجع مصر تانى وهيكمل في امريكا لكن لما عرف أن سميره واحمد اتطلقوا قرر يرجع وفطريقه للعوده الجو بيمطر مطر قوى جدا وبرق ورعد وهو بيسوق لمح بنت واقفه تحت المطر مش بيهمها حاجه من اللي حواليها كان مستغرب من منظر البنت دى فقرر ينزل يتكلم معاها لؤى: ياانسه ياانسه البنت: ... لؤى: انتى واقفه كده ليه البنت: يهمك في ايه لؤى: يهمنى ازاى انتى واقفه تحت المطر والبرد كده هتتعبى البنت: مش فارقه لؤى: طب تعالي معايا وانا هوصلك بالعربيه لأي مكان البنت: هههه انت لؤى: ايه مش عاجبك البنت: انت مين عشان توصلنى لأي مكان لؤى: صدقى انى غلطان عشان واقف تحت المطر معاكى البنت: تقدر تمشي كده هتتعب لؤى: طب وبالنسبة ليكى مش هتتعبى البنت: شوية تعب مش هييجوا حاجه في الجرح اللى فى قلبى لؤى: وقف جنبها عارفه انا كمان في قلبى جرح كبير اوي بس مااستسلمتش فضلت مكمل والنهارده رجعت عشان اداوى الجرح ده البنت: ربنا يسعدك لؤى: ويسعدك انتى كمان وانتى مالك ايه اللي مضايقك البنت بدءت تبرد جامد اوي لؤى: انا قولت هتتعبى تعالى ادخلى العربية ومتخافيش انا مش منهم البنت كانت بردانه اوى فتح لؤى شنطة هدومه وطلع جاكت وخلى البنت لبسته لؤى كان حاسس ضربات قلبه بتزيد اوى من وقت ماشاف البنت دى : في كافيه هنا اهو تعالى نروح عليه اكيد فيه دفايه ودخلوا بالفعل الجرسون: تشربوا ايه يا فندم لؤي: اتنين كوفى ميكس الجرسون: تحت امرك يا فندم لؤي والبنت شربوا الكوفى ميكس وقعدوا جنب الدفايه لحد مابدؤا يهدوا من البرد كده لؤى: مش عايزه ترجعي البيت بقى البنت: انت ليه عملت كده لؤي: مش فاهم البنت:ليه ساعدتنى دا اقرب حد ليا باعنى لؤي: مش عارف انا ساعدتك ليه بصراحه حاسس انى اعرفك البنت: مش للدرجه دي انا همشي بقى لؤى: لسه فيه مطر قولى عنوانك وانا هوصلك عليه البنت: مش عايزه اتعبك لؤي: لا تعبك راحه ها العنوان ايه البنت: العنوان******** لؤي: بصدمه مستحيل دا عنوانى انا كمان
لؤي: دا عنوانى انا البنت: لا دا عنوانى انا لؤي: والله العظيم دا عنوانى البنت: انت ابن مين انا عمري ما شفتك في المنطقه دى لؤي: ماانا مسافر من عشر سنين البنت: ولسه فاكر اهلك لؤي: اكيد يعني البنت: مين اهلك لؤي: تعرفي واحد اسمه مصطفى صالح مستشار هو البنت: ماله ده لؤي: دا والدى البنت: اه ياكداب لؤى:كداب في عينك يعني بعد الكوفى ميكس اللى طفحتيه ايه دا ايه دا وكمان لابسه الجاكت المفضل عندى البنت قلعت الجاكت وفى وش لؤى وحدفته: مش عايزه من وشك حاجه لؤي: طب استنى بس سؤال.انتى ليه قولتى عنى كذاب البنت: لان المستشار ده خالى لؤي: انتى مين البنت: وانت مالك لؤى: لو المستشار ده يبقى خالك فأنا لؤى ابنه البنت: لؤى انت رجعت من السفر لؤى: لا لسه وانتى مين البنت: انا اسفه والله بجد يالؤى انا ماشوفتكش من سنين طويلة انا لؤى: انتى سميره صح البنت: ايوه انا سميره لؤى: ازيك يا سميره عامله ايه كبرتى سميره: وانت كمان لؤي:وبقيتى كمان ذي القمر سميره: متشكره بس الجمال ساعات مابينفعش صاحبه لؤي: ليه بس كده انتى جميله جدا من جوا وبرا كمان اناسمعت بطلاقك انتى واحمد سميره: قضائي كده احب ومااتحبش لؤي: مين قال كده انتى تستاهلي كل خير سميره: متشكره اوى يا لؤي انا مش عارفه من غيرك النهارده كنت هعمل ايه لؤي: انا ماعملتش حاجه وبعدين الوقت أتأخر لازم نرجع البيت وبكره نكمل كلامنا وقولى لعمتى انى هقابلها بكره سميره: تنورنا ركبوا العربيه ورجعوا البيت مفيش حد يعرف أن لؤى راجع من السفر خالص كانت الساعه ١٢ لؤى: وصلنا سميره: حمد الله على السلامه لؤي: الله يسلمك سميره: انا هنزل بقى يلا باي لؤي: باي سميره مشيت شويه وبعد كده وقفها صوت لؤي لؤي:سميره سميره لفت بإبتسامه.. لؤي: هشوفك بكره سميره: اكيد لؤى: تصبحى على خير سميره: وانت من اهل الخير بعد مامشيت: تصبحى على خير ياملكة قلبى وطبعا دخل البيت وسلم على أهله وعمل ليهم مفاجأة الساعه ١٢ (عندى اللى زيه مش بيفاجأنى غير الساعه١٢ برجوعه فجأه من السفر) وتانى يوم بقى هاله: يااه يالؤى انا كنت حاسه والله امبارح طول اليوم بيك لؤى: حبيبة قلبي احساسك طلع في مكانه يلا بقى كفايه عليكم انا هروح لعمتي سميحه عشان اسلم عليها هاله: ربنا يبارك فيك يا حبيبي دا اللي كنت مستنياه منك لؤى في نفسه: انا عشانها اطلع المريخ . انا ماصدقت اتطلقت كلها كم يوم والثلاث شهور يخلصوا وتبقى ليا برضا الكل أو غصب عنه سميره ليا انا وبس ومش هسيبها تضيع منى تانى حتى لو هضطر اخطفها عن العالم عشان تكون ليا هعملها #بقلمي_أيات_عبدالرحمن لو جابت 1500لايك علي السحور هنزل كمان بارت ولو زياده هنزل بارتين قصة أحببت زوجة أخي لؤي راح بيت سميره بيت والدتها وسلم عليها وكعادت المصريين لازم يتغدى عندها سميحه: كل ياحبيبى دى الشيف سميره اللى طبخت لؤي: شيف ممتازه سميره: بجد الاكل عجبك لؤى: هيعجبنى اكتر لو قعدتى كلتى معايا سميره: بس كده من عنيا سميره كانت قاعده قدام لؤى ولؤي مش عايز يبعد نظره عنها لؤي في نفسه: أما انت مغفل يا احمد يا اخويا حد يسيب القمر دى عشان عفريت العلبه اللى اتجوزتها خلصوا اكل وظبطوا نفسهم سها اخت سميره: لؤى انت كنت عايش في امريكا صح لؤى: ايوه سها: هو حقيقي كنت بتاكل ضفادع وثعابين وحشرات مقرفه لؤي: عمتى خليها تسكت بطنى وجعتنى هو عشان اكلتينا مره هتقرفينا فيها سها: لا اقرفك ايه انا بس عايزه اعرف الضفادع والثعابين بينطبخوا ازاى لؤى: ليه سها: عشان اجربهم كده متأكده أن في ناس كتير هتحبهم هنا وتكون فكره جديده وكده لؤي:قومى يابت انتى من هنا ابو شكل ام احم اسف ياعمتى سميحه: قومى يابقه من هنا سها: بقه حشرة بق قصدك مقبوله ياقرت عين بنتك اسيبكم واروح اذاكر لينا قاعده يالؤى عايزه اعرف هبدء بالضفادع ولا الثعابين سميحه جريت وراها بالشبشب ورجعت قعدت جنب لؤى سميحه: شوفت يا لؤى اخوك عمل ايه في سميره لؤى: ماتزعليش نفسك ياعمتى بكرا تتجوز اللى يقدرها ويحترمها ويعرف قيمتها سميحه: وهو فين دا بس لؤي: انا ياعمتى سميحه: هههه طول عمرك بتحب الهزار يالؤى لؤي: بس انا دلوقتي مش بهزر سميحه: ازاى وانت لسه شايفها دلوقتي لؤي: انا بحبها من ايام الابتدائيه وهى طفله كنت فاهم دا حب عادى لكن كنت كل ما اكبر الحب ده يكبر جوايا لحد مااكتشفت أن هى بتحب احمد قررت اصارحها في نفس الوقت اللى سمعتها بتقول ليه أن هى بتحبه سافرت وبعدت عشان انساها لكن ماقدرتش ورجعت لما عرفت بطلاقها سميحه: معقول يالؤى لؤى: عارف ان حضرتك هتستغربى بس صدقيني انا بحبها بجد ومقدرش اشوفها بتتألم سميحه: ايوه يا لؤى بس دى كانت متجوزه اخوك لؤي: ومقدرش حبها سميحه: هتقبل تعيش معاها وهى بتحبه لؤى: هتحبنى انا مش هو سميحه: هتحصل مشاكل كتير بينك وبين اخوك لؤي: ماتقلقيش انا فاهم كل ده بس صدقيني عمرى ماهنزل للمستوى ده سميحه: انا مش عارفه هقولك ايه لؤي: ماتقوليش حاجه سيبيها على ربنا ثم عليا لؤى بدء يقرب من سميره في الاول كصديقه كان بيخرجها وبيجيب ليها هدايا كان قمة الزوق والادب معاها سميحه كانت بتراقبهم من بعيد لبعيد خايفه بنتها تتجرح تانى مرت سنه لؤي كان قريب جدا من سميره وهى كمان ارتاحت ليه كانوا ماشاء الله طول الليل يتكلموا في التليفون فى ايه مش عارفه احمد بعد ماطلق سميره اتجوز حبيبته وبقى معاه بنت لؤى: سميره كنت عايز اتكلم معاكي في موضوع كده سميره: اتفضل لؤى: هو بصراحه انا كنت أ سميره: كنت ايه لؤي: بصراحه كده يا سميره انا بحبك وعايز اتجوزك وقبل اى كلمه بحبك من وقت ماكنتى طفله قبل حتى ماتحبى احمد عارف ان دي صدمه بس انا بجد بحبك اوى ومش فارق معايا ان انتى كنتى متجوزه اخويا قولتى ايه سميره: ........
اخر حاجه وقفنا عندها لما لؤى صارح سميره بحبه ليها سميره: ايه اللي انت بتقوله دا يالؤى انت نسيت ان انا كنت متجوزه اخوك لؤي: لا يا سميره مش ناسي وكمان مش محتاج تفكرينى بكده انا بحبك وكل اللى يهمنى انتى مش هيهمنى لو كنتى متجوزك اخويا ولا لا سميره: ايوه بس لؤي: بس ايه يا سميره سميره: انت متخيل حتى لو انا وافقت اهلك مش هيوافقوا لؤى: انا مستعد اعمل اى حاجه عشانك هقف قدام الدنيا كلها علشانك سميره بدموع: بس يالؤى انا لسه بحب احمد ومش قادره انساه لؤي: عارف بس اوعدك هتنسيه ولو ماقدرتيش هننفصل سميره: تانى انفصال تانى لؤى: أن شاء الله مفيش كده وهتحبينى وهنعيش اجمل حياه واوعدك كل حياتك هتتغير سميره: ...... لؤي: قولتى ايه سميره: ........ لؤي: فكرى ياسميره وانا مش هضغط عليكى وانا هوافق على اللى هتقوليه ومش هزعل القرار قرارك حتى لو ما وافقتيش عليا انا مش هزعل منك اللى بيحب حد عمره ما يزعل منه مهما حصل انا مضطر امشي عشان هبدء شغل من بكره ومحتاج اجهز نفسي مر يوم واتنين وتلاته ولؤي مش بيتكلم مع سميره خالص لؤي قاعد في الجنينه وبيشتغل على اللاب توب سميره: ازيك يا لؤي لؤى: ازيك يا سميره عامله ايه سميره: الحمد لله. احم ممكن اقعد لؤي بإبتسامته الجميله: طبعا طبعا اتفضلى سميره: انا فكرت في اللى قولته لؤي: ها وبعدين سميره: انا موافقة يالؤي بس بشرط لؤي: عارف سميره: عارف ايه لؤي: انى ما قربش منك غير لما تنسي احمد وتقديري تحبينى وقتها هتكونى مراتى وكمان حاجه هنكون متجوزين وبنحب بعض قدام الناس والعيله وخصوصاً احمد ولما نكون مع بعض هتكون زى الاخوات سميره في نفسها: هو مركب مسجل صوت جوايا ولا ايه لؤي: هههههه لا مش مركب حاجه ياسميره بس زى ماتقولى بحس انتى عايزه تقولى ايه سميره: بجد لؤي: ههه بجد تعرفى مره كنت تعبان وحاسس بزهق كبير كنت حاسس ان انتى فيكي حاجه كلمت ماما وسألتها عليكى ووقتها قالت لي ان انتى حصلت مشكله بينك وبين احمد مشكله وضربك كتير لدرجه ان هو اجهض حملك كنت حاسس انى هتجنن كنت عايز اطير واجيله اعمل فيه اللى عمله فيكى سميره: .... لؤي: عارف ان انا في نظرك دلوقتي واحد عديم الاحترام حب مرات اخوه بس انا بحبك من طفولتك من وقت ماكنتى لسه في الابتدائيه لما كنت بقف في الحر قدام بوابة مدرستك واستنى ترجعي معايا بس للاسف حبيتى بالغلط والله انا قررت ابعد عنك كتير يا سميره وسافرت عشان انساكى بس ماقدرتش لما عرفت باللى حصل رجعت علشانك سميره: ليه يالؤى انا تعبت ليه بعدت وماصارحتنيش يمكن كنت فوقت واتجوزتك انت لؤى: انا كنت هعمل كده بس وقتها سمعتك وانتى بتقولي ليه أن انتى بتحبيه سميره: يعني انت لسه بتحبنى لؤي: وانا ماكرهتكيش عشان اكون لسه بحبك سميره: انا موافقة يالؤى موافقه اتجوزك بس اقبل شروطى على الأقل لما افهمك اكتر لؤى: وأنا موافق واعتبر اننا اتخطبنا سميره بإبتسامه: ايوه لؤي: لولولولولوى سميره: هههههههه مجنون لؤي: بيييييكى بحباااااااااااك سميره: لؤي احنا في البيت حد يسمعنا لؤي: عايز الكل يسمعنى عايزهم يعرفوا انى بحبك وبموت فيكى بحباااااااااااك ياسميره وهووووب شالها وفضل يلف بيها في الجنينه كل ده وسميحة والدة سميره واقفه بتبص عليهم ووالد لؤى ووالدته وأحمد كمان لؤى بيبص لوالده اللى نظراته اتحولت لنظرات ماتوحيش بخير والد لؤي يبقى خال سميره الكبير وعايشين معاه في بيته مش في بيته اوى لكن هو بنى بيت ليهم في جزء من ممتلكاته لأنهم فقراء وكده هو الوحيد اللى ساعدهم ووقف جنبهم تفتكروا هيطردهم ولا هيرفض الجواز ولا هيعمل ايه معاهم هيتقبلها زوجه لابنه التانى ولا هيعمل العكس
مصطفى كان واضح عليه علامات الغضب أو الزهول مصطفى: ايه اللي انا سمعته ده لؤى: ايه اللي سمعته يابابا مصطفى: سمعت ان انت بتحب سميره انت نسيت أن هى كانت متجوزه اخوك لؤي: لا يابابا مانسيتش انها كانت متجوزه اخويا بس حضرتك قولت انها كانت متجوزه اخويا مش لسه متجوزاه مصطفى: يعني ايه لؤى: يعني انا بحب سميره وعايز اتجوزها مصطفى بصوت عالي: سميحه خدى سميره من قدامي سميحه: حاضر يا اخويا يلا يا سميره سميره وهى ماشيه مع والدتها كانت نظرتها كإنها عتاب مصطفى: تعالى معايا لؤى: حضرتك قولت عايزنى في حاجه مصطفى: انت بتحب سميره فعلا ولا بتشفق عليها لؤي: لا يا بابا انا فعلا بحبها وعمر ما كان حبى ليها شفقه مصطفى: انت عارف ان احمد جرحها قبل كده صح لؤي: وانا مش احمد انا غيره انا فعلا بحبها ومستحيل اجرحها أو ااذيها في حاجه مصطفى: ولو عملت كده لؤى: وقتها هوافق على حكمك كونك مستشار مش اب مصطفى والد لؤي مستشار زى ماقولنا في الاول مصطفى: حلو الكلام بما أن احمد مش عايش معانا تقدر تعيش انت وسميره هنا موده اخت لؤى: يعنى سميره هترجع تعيش معانا تانى هاله: سميره فعلا تستاهل كل خير لكن نعمل ايه حظها بقى وبتبص لمرات احمد بقرف حنين مرات احمد: في ايه ياطنط انتى بتبصيلى كده ليه هاله: اصلى معجبه بيكى شويتين احمد: في ايه يا ماما هاله: مفيش يا حبيبي أسأل مراتك حنين: احمد لو سمحت انا عايزه ارجع البيت مش عايزه افضل هنا هاله: ليه يا روحي معلقينك من شعرك ولا ماسكين ليكى السكاكين احمد: خلاص يا ماما وانتى يا حبيبتي أهدى كده هنمشى دلوقتي هاله: حبيبتك الله يرحم حنين: لا كده كتير اوي بجد انا ماشيه هاله: في ألف داهيه احمد: عاجبك كده هاله: روح يا حبيبي طبطب على جرحها أجرى لهتنطرد النهارده في الشارع ياقلب ماما مصطفى: خلاص يا هاله احمد: انا ماشي قبل ما ابدء في السادس لازم البت دي تتطلق النهارده. حنين: عجبك اللى مامتك قالته ده احمد: انا اسف حقك عليا يا قلبي حنين: دا اللي باخده منك كل مره احمد: يعني عايزانى اعمل ايه حنين:لا مش عايزه حاجه عايزه كل يوم اروح لمامتك تهينى واسمع منك الكلمتين دول وخلاص احمد: طب عايزانى اعمل ايه اهين ماما ولا ارفع ايدى عليها حنين: والله انت حر تضربها تهينها المهم أن هى تحترم نفسها وتعاملنى كويس احمد: قصدك أن ماما مش محترمه يعنى حنين: والله يابيبى انا قولت اللى عندى احمد: يعنى ايه حنين: يعنى انا مش هدخل بيت اهلك غير لما مامتك تيجى وتعتذر منى هنا في بيتى الاول احمد: ليه يعني هو انتى فاهمه ان انتى هتفرقى معاها حنين: كويس وهى كمان مش فارقه معايا احمد: يعنى ايه حنين : يعنى هى ولا حاجه كإنها مش موجوده يعنى حاجه كده مش متشافه ملهاش لازمه في حياتى احمد: طاااااااخ على وشها ومسك زراعها جامد اوي انتى فاهمه ان انتى هتغلطى في ماما قدامى واسكت ليكى حنين: انت بتضربنى يا زباله احمد: واكسر دماغك انا كنت متجوز واحده عمرها ما رفعت عيونها فيا وفي الاخر انتى تقوليلى زباله حنين: ايوه ما انتا حنيت خلاص اخوك هيتجوزها وموت انت بقى بغيظك احمد: لا انا مش هموت انا هموتك النهارده مصطفى وافق على جواز لؤي وسميره وعشان لؤى اول مره جواز كان والده عامل ليه حفله كبيره جدا كان يوم جميل سميره كانت لابسة فستان زفاف ابيض جميل جدا ولؤي كان لابس بدله سوداء كانت ظاهره جماله كان جميل جدا اثناء الحفل لؤى شال سميره وفضل يلف بيها وكل اللي في القاعه كانوا بيسقفوا ليهم ومر الوقت ورجعوا بيتهم لؤي: بسم الله ماشاء الله انتى حلوة اوى سميره بإبتسامه رقيقه: شكرا لؤي: انا مش مصدق ان انتى بقيتى ميلكى وحلالى انا بحبك اوي يا سميره وانا عند وعدى ليكى انتى هتنامى هناوانا هنام برا ولو احتاجتى اى حاجه انا موجود سميره: انا عايزه اقولك حاجه بس خايفه من رد فعلك لؤى مسك ايديها وقعدها على السرير: انا عايز اقولك حاجه الاول مش عايزك تخافى منى عايزك تكونى صريحه معايا في كل حاجه قولى اللى انتى عايزة تقوليه سميره: انا مش عايزه اغير لبسي انت عارف انى محجبه و قاطعها كلامه لؤي: وانا مش عايزك تغيري شكل لبسك انا عايزك كده زى ما انتى لبسك يكون عباره عن اسدالات ولبس واسع جدا سميره: مش هتزهق عشان كنت عايش في امريكا وكده لؤي: ومش عشان كنت عايش في امريكا يبقى هجبرك تغيري لبسك دى حاجه انتى حره فيها دلوقتي يا روحي ادخلى خدى شاور وغيري الفستان ده ونامى عشان انتى اكيد تعبانه تصبحى على خير. سميره: وانت من اهلوا مر كم شهر كده ولؤي لسه عند وعده لسميره كان في قمة الزوق والادب معاها وبالنسبه لاحمد طلق العقربه اللى كان متجوزها لؤى وسميره في الفترة اللى مرت دي كانت حياتهم سعيده جدا كل يوم حب لؤى لسميره بيكبر عن اليوم اللى قبله وسميره كمان بدءت تحبه لحد ماوقعت خالص وطبعا لؤي خدها فى رحلة هنى مون طوييييله كانت رحله ممتعه ليهم قدرت سميره تفهم لؤى اكتر واتعلقت بيه زياده عن اللازم وطبعا ماوافقش تغير الاستايل الخاص بيها برغم أنهم في دوله اجنبيه ودى حاجه كانت كفيله تخلى سميره تحب لؤي ورجعوا مصر وبعد كم شهر بقى عندهم سلمى اول حرف من سميره واول حرف من لؤي كانت بنت جميله واخده ملامح مامتها وباباها ولحد هنا كده كانت حياتهم سعيده سميره: بقولك ايه يا حبيبي انا هنزل المول محتاجه حاجات منه للبيت لؤي: ماشي يا قلب لؤي انا هوصلك سميره: مش عايزه اتعبك لؤي: لا ياحبيبتي تعبك راحه يلا وهنسيب سلمى مع ماما نزلوا المول واشتروا هما الاتنين كل اللى البيت محتاجه وهيرجعوا خلاص على البيت وفجأة طلعت عربيه خبطت سميره ومشيت تفتكروا هتموت ولا هتعيش
اخر حاجه وقفنا عندها لما العربيه خبطت سميره لما كانت خارجه من المول مع لؤى لؤي: سميرااااااااااه وطلع يجرى عليها كانت سميره واقعه على الأرض وغرقانه في دمها لؤي رفعها من على الارض : سميره سميره يا حبيبتي ردى عليا ردى يا سميره ماتسيبنيش عشان خاطري طب بلاش انا عشان خاطر بنتنا قومى حد يتصل بالاسعااااف سميرااااه الإسعاف جت وخدت سميره لؤي ببكاء هستيري وشهقات عاليه جدا: ايوه يا بابا الحقنى بسرعه بالله عليك تعالى بسرعه يا بابا ارجوك مصطفى: في ايه يا لؤي اهدى انت صوتك ماله في ايه لؤي: سميره يا بابا خبطتها عربيه وفى اوضة العمليات من شويه ارجوك يا بابا بسرعه مصطفى: انت في مستشفى ايه لؤي: مستشفى السلام مصطفى: طب انا جاي حالا. سميره فضلت في اوضة العمليات اكتر من ساعه مصطفى وهاله وسميحه وصلوا المستشفى سميحه: لؤي لؤي سميره مالها ايه اللي حصلها لؤى: كنا خارجين من المول وفجأة خبطتها عربيه ومشيت مصطفى: وهى فين دلوقتي لؤي: في العمليات الدكتور خرج من اوضة العمليات سميحه: طمنى يادكتور سميره فيها ايه الدكتور: للاسف الحاله حرجه لؤى: يعنى ايه الدكتور: تعالوا معايا لؤي: حضرتك قولت سميره حالتها حرجه الدكتور: انت جوزها لؤى بإنهيار: ايوه الدكتور: انا مش عارف هبدء منين بصراحه معاك لؤي: ارجوك بلاش تقلقنى الدكتور: المدام للاسف فقدت بصرها واتعرضت لشلل في كل جسمها ماعدا ايديها اليمين مصطفى: ايه الدكتور للؤى: بعد اللى انا قولته عارف ان صعب عليك تقرر هتكمل معاها ولا لا لؤي: يعنى بعد فقد البصر والحركه هى كويسه ولا في حاجه تانيه الدكتور: لا لؤي: ممكن اشوفها . الدكتور بيشفق على حالة لؤي وصعبان عليه بنت زى الملاك زى سميره يحصل فيها كده وممكن لؤي يسيبها لؤى دخل عند سميره اللى تحت الاجهزه ومسك ايديها لؤي: سميره حبيبتي انا مش عارف هعمل ايه ياسميره انا خايف عليكى اوى ارجوكى قومى انا مش عايز حاجه من الدنيا غيرك هكون بصرك ورجلك وهنربى بنتنا مع بعض عمرى ماهحسسك بتعبك وهشيل عنك همومك وهقسمها معاكى فرحنا هيكون واحد وحزننا واحد زي ما اتعذبت عشان اكون معاكى وجنبك هستحمل عشانك عشان انتى كل حاجه حلوه حصلت ليا عشان انتى روحى وقلبي وعمري ونور عيوني كمان بحبك اوي يا سميره بحبك اوي كل الكلام ده وهو بيعيط اتخيلوا الموقف مر اسبوع وسميحة كانت مصممه تطلق سميره من لؤى عشان يشوف مستقبله لكن رد فعل لؤي صدمها لؤي: عمتى انا بحب سميره ومستحيل اجرحها أو ااذيها أو ابعد عنها اناا بحمد ربنا انها جت على قد كده ربنا أراد اننا نكمل ومايحرمنيش منها عشان كده انا رضيت بقضاء ربنا ومستحيل هطلقها لو مهما حصل سميحه: بس يا لؤي لو استحملت سنه مش هتقدر تستحمل الباقي لؤي: لا يا عمتي انا استحملها كل عمرى وهثبت ليكى كل ده مع الايام سميحه: ربنا يبارك فيك ويهديك ويجازيك خير يالؤي يا ابن هاله ويسترك ذي ماسترتها لؤي خد سميره البيت كان كل حاجه هو بيعملها ليها سميره ماكانتش بتمشي ولا بتشوف ودى حاجه كانت بتحسسها بالذنب سميره: لؤي لؤي: امممم سميره: انا كنت عايزه اتكلم معاك في موضوع كده لؤي: بس كده اتكلمى يا عمرى سميره: انا انا عايزاك تتجوز يالؤى لؤي: ليه بتقولي كده سميره: عشان انا بقيت حمل تقيل اوي عليك يعنى انت بتشتغل في شغلك الخاص وفى البيت وبتهتم بالبنت وبيا و قاطعها كلامه لؤي: وهو انا قولت ليكى حاجه سميره: لا بس انت صعبان عليا والله انا مش زعلانه ربنا يسعدك لؤي: ربنا يسعدنى بيكى يانور قلبى قبل نور عيني وبلاش الهبل ده انا عمري ما هتخلى عنك ولا همل عمر الزوجه الثانيه ما هتريحنى ولا هحبها زيك سميره: بس يالؤي لؤي: مفيش بس ومش عايز اسمع الكلام ده تاني مفهوم سميره: لا يا لؤي انا مش قادره اريحك حتى ابسط حقوقك حرمتك منها لؤي: ابسط حقوقى انى لما انام انام وانتى جنبى واصحى وانتى جنبى تعرفى يا سميره انا مش زعلان عشان اللى انتى فيه ده قد ما انا زعلان من اللى قولتيه انا بجد بحبك بحبك اوي وبموت فيكى وكل كلام الحب اللى فى الدنيا كلها في قلبي ليكى ويلا بقى عشان اكملك باقى الرواية اللى البطل حب فيها وهو عنده خمس سنين سميره: انت البطل ده صح لؤي ضحك ضحكه رجوليه: ايوه وانتى البطله سميره: طب كمل بس من الاول عشان انا بحبها اوي لؤي: من عيونى ونسيبهم يحكوا الرواية تانى يوم لؤي: يلا عشان تجهزى خطوبة موده النهارده سميره: لا ياحبيبى روح انت انا هفضل هنا لؤي: لا انا مش هروح غير معاكى سميره: بس يالؤى انا مش هشوف حاجه لؤي: انا قولت انى عيونك هشرح ليكى كل حاجه بالتفصيل حتى الميك اب اللى موده حطاه ايه رأيك يلا قومي بلاش كسل سميره: طب هقوم ازاى لؤي: لا ما انا هشيلك يلا سميره: تقيلااااااه لؤي: هههههههه مش قوى وفعلا راحوا الحفله وكل حاجه كان لؤي بيشرحها لسميره بالتفصيل الممل حتى اهلوا كانوا لابسين ايه وبعد مرور ٣ سنين سميحه: لؤي لؤي: ايوه يا عمتى سميحه: مش عايز تسمع كلامي بقى لؤي: في ايه ياعمتى سميحه: تتجوز وتشوف مستقبلك لؤي: سميره هى ماضيا وحاضرى ومستقبلى سميحه: بس سميره تعبانه لؤي: من ايه انا مش شايف العيوب اللى فيها قد ما انا شايف المميزات الجميله صدقيني انا مرتاح البال مع مراتى ومش عايز الكلام ده يتقال تانى لانى بجد هزعل منك ومش هكلمك تانى مصطفى: اقدر اقول النهارده وافتخر اني عندى ابن ذيك قدرت اربى بجد لؤي: ربنا يخليك ليا يا رب انا ماعملتش حاجه سميره اتجرحت مره وانا وعدت نفسي أن عمرى ما هجرحها وفى الليل وفي ساعه المطر والبرد الشديد تليفون لؤي رن بعد ماانتهى من كل اعمال اليوم لؤي: الو ايوه يا دكتور الدكتور: مساء الخير يا استاذ لؤى لؤي: مساء النور يادكتور الدكتور: انا اسف على الازعاج بس انا عندي خبر ما قدرتش انام غير لما اعرفك بيه لؤي: ولا يهمك اتفضل يا دكتور الدكتور: المدام سميره انا راجعت التحاليل الاخيره والفحوصات الخاصة بيها ووضح عندى أن هى تقدر تعمل عمليه في عيونها ونسبة نجاحها ٧٠٪ لؤي: طب دا خبر يجنن الدكتور: عشان كده ما قدرتش استنى لبكره لؤى: متشكر جدا جدا لحضرتك الدكتور: لا على ايه دا واجبى تانى يوم لؤي وسميره راحوا للدكتور وبعد اسبوع سميره عملت العمليه لؤي: سميره سواء شوفتى أو لا انا عمرى ما هتخلى عنك ابدا وهفضل عيونك وسندك في الدنيا وعمرى ما هزهق أو امل وهرضي بقضاء ربنا وهحمده دائما أن هو مابعدكيش عنى اتفضل يا دكتور شوف شغلك واخيرا الدكتور: فتحي عيونك بس بهدوء كده سميره بدءت تفتح عيونها واول ما فتحت عيونها شافت لؤي اللى دموعه نازله ومبتسم في نفس الوقت سميره: تعرف انا بجد كان نفسي اول ما ارجع اشوف تانى تبقى اول واحد اشوفه الدكتور: طب دول كام سميره: ٣ الدكتور: الف مبروك الحمد لله العملية نجحت لؤي كان فرحان اوى بسميره وعمل ليها حفله كبيره جدا وبعدها بسنه عملت عمليه تانيه بس سافرت امريكا عشان عملية رجليها وكده وفعلا رجعت تمشي من جديد بس في الاول طبعا كانت بتاخد خطوات شكل خطوات الطفل اللى لسه بيتعلم يمشي وبمساعدة لؤي وتشجيعه قدرت تقف من جديد وقدرت تكمل حياتها مع لؤي وبنتها والبيبى الجديد اللى سميته لؤي على اسم والده وطبعا رجعت من امريكا لمصر بس معروف دلوقتي أن سميره ليها كل سنه رحله لبلد من بلاد برا مع لؤي عشان يجددوا حبهم بيها وبكده تكون انتهت الروايه النهاية ...........